அந்திமம்

கிழக்கு வானம் சிவந்த கோலம் - 

இந்த கிழவனின் நரையையும் சிவக்க வைத்தது
கொஞ்சம் கடலையும் பரந்து பார்க்கிறேன்
எஞ்சும் என் நாட்களின் நீளம் தெரிந்தது
மேகத்துள் ஊடுறுவும் ஒளி போல
நினைவுகள் உள்ளத்தும் ஒளிர்கிறது
சுவடுகள் அழித்து புரளும் அலையே - என்
மனச்சுமைகளும் அழித்து போ!!!

என்னவள் சென்ற வலி போதும்
மனையவள் போன வழியில் போகும்
நாளுக்காய் காத்திருக்கிறேன்
அணைத்து கொள் பிரபஞ்சமே
அந்திமக் காலம் அஸ்த்தமனமாகட்டும்!